INFORMATION, EDUCATION & COMMUNICATION (I.E.C)

HIV/AIDS do hneh tak tak tur chuan a hre tur (audience) te hnenah inhrilh hriat a, inzirtrira, sawiho a tul a ni. Chumi hna tak kan thawhna chu he IEC tia kan lam tawi mai hi a ni. IEC Programme chuan tum a nei a, chungte chu :

* Mipuite zingah HIV / AIDS hriat chian lehzual n ate, ngaihdan dik lo siam tha khawpa hriatna tuh.

* Nun dan tha leh pawimawh – nungchang him te, tlawmngaia thisen pek te lama hmasawnna thlen.

* Mipui ten an awmna leh thiltih leh hnathawhna hmun hrang hrangah te HIV / AIDS do an uar theih na tura hmalak. Mipuite hriselna tura thawkten chak zawka hma an lak theihna tura tih chak. HIV / AIDS lama enkawlna leh puihna dawn mamawh ten boruak nuam tak hnuaia an tana hmalakn awmte an chhawr theihna tura boruak tha siam. Hengte thleng tur hian MSACS chuan thiltih pawimawh tak tak a neia chung zinga a langsar zualte lo tarlang ila :

Awareness leh Advocacy Program siam :
Mass Media te hmanga mipuite hnenah hriat tur tul inzirtir. Lemchan, documentary film, TV / Radio advertisement hmanga inzirtir.

* Event pawimawh tak te hmanga mipuite hnena inhrilh hriat.

* Kan hnathawh leh Service neih te lehkhabu, wall painting, poster tar, hoarding, media advertisement te kaltlanga puanzar.

* Condom hman uar tura inzirtir.

* HIV / AIDS chungchanga zirbingna leh a tul anga lehkhabu te siam.

* Zirna sikulah HIV / AIDS zirtirna mumal tak education department nena siam te.

* Toll free HIV / AIDS helpline kalpui te.

* Thalai nena HIV lam pumpelhna tura nun dan hrisel leh tha lam inkawhhmuh zawnga program siam.

* Division dangte mipuite chhawr tangkai theih tura pholan te.

A tul ang zela inzirtira, inhrilhhriatna tur hmanraw thar leh tha apiang te dap chunga hmalakna zauh zel.

Red Ribbon Club school/college-ah te din a, chutiang kaltlanga thalaite HIV / AIDS laka fihlimna lama kaihhruai leh thu puangdarhtu a hman IEC Program hi a zau ber a, Cross cutting Activity tia sawi thin a ni a, division dang zawng zawngah khan tihtur a nei vek a ni. He IEC program ber hi a ni kan hmasawn leh sawn loh tehna pakhat pawh ni. Tin, activity hian a huam zau theih em avangin, kum tin hian tihtur tuksa tam tak karah mamawhna in hriatchhuah thar pawh tih zel thin a ni.