FINANCE

Sum tel lo chuan hna hi kan thawkthei miah lo. Finance division hi Assistant Director (Finance) in a hova, division buai ber an ni maithei. Financial Management hi Society anga kalpui a nih avang leh State Finance pawh a kaltlang loh avangin NACO-in Financial Guideline a siam chu hman a ni.

NACO atang hian Fund hi kum khatah vawi 3/4 alo kal thin a, a hun leh installment zin lam hi kum tin hian an ti danglam thin. NACP atana sum awm te, International Donor te, World Bamk te leh Ram Changkang zawk te rawn thawh thin a ni a, India Sorkar hi chuan zaa 20 pawh a tum velo a ni. State-ah phei chuan Mizoram Sorkar hian tum a nei miah lo.

State leh UT-a AIDS Control Society te chuan kum tinin April thla hma ngeia thehluh hman tur Annual Action Plan an duang thin a, chumi zulzui chuan NACO in Ministry of Health & Family Welfare atangin fund a rawn dah thin a ni. Pawisa transaction hielectronic transfer hmanga tih mai thin a ni. Budget siam a nih dan erawh hi chu NACO in Guidelines a siam hmanga tih theih chauh a ni a, tin, Physical Target nena inmil chauh leh tih theih ngei tur loh chu NACO hian a remti ngai lo a ni. Kan ram sum hmang kan nih loh avangin Global Fund leh World Bank lam hian duh khirh em em mai a; tin, pawisa hman leh vawn an rawn control dan hi thil tih dik loh theih loh a ni. Computerised Project Financial Management System (CPFMS) tih hman a ni a, heath hian sum dinhmun hi nitin dah luh a ni a, fel hlel awm a awm a nih chuan NACO lam hian an rawn monitor nghal vat zel a ni.

Budget hi head hrang hrang nei a Component pali hnuaia awm a ni a, Component pakhat chhungah chuan a tul dan azirin Re-allocation tih theih a ni a, Component hran a mi nena tih dawn erawh chuan NACO phalna lak hmasak phawt a tul a ni. Pawisa hi sanction a nihna anga hman loh theihloh khawpin NACO hi a strict-a, a hun pawh hi vawng dik turin State te hi a kar a ni. Tin a hman dan turah hian quarter zawngin a then a 19%, 24%, 24%, leh 33% a quarter indawt dan zelin hman ral tur a ni.

NACO in Accounting Centre a tih te chu MSACS, DAPCU leh Peipheral Units, entirnan – ART Centre, NGO(TI), District AIDS Committee te hi an ni. MSACS ah hian 'Accrual Accounting’ tih tan mek a ni a;Cash Basis in double entry hmangin a hmanna lam hi ziah fel a ni a, heng Cash Book, Journal Voucher, Ledger etc. te hi hman vek a ni. Tin, funding source hran a awm a nih chuan Account hran hawn thin a ni bawk.