Khawvel puma AIDS dona ni, Wold AIDS Day chu Decmber 1st khan Mizoram State AIDS Control Society (MSACS) huaihawtin Chanmari YMA Hall-ah hman a ni a, Health Services Secretary leh MSACS Chairman, Pu JC Ramthanga’n a hmanpui.

Kumin chhunga October thla thlenga Mizorama thisen endik tawhah, mi 11,122 zinga 465-te chu HIV positive an ni a, kum dang aiin kuminah he natna vei a tam thu tarlan a ni. Pu JC Ramthanga chuan AIDS do kawnga kumin thupui “Hma hruai la, Chhanchhuak la, Chhawmdawl rawh” tih a nih ang bawkin, Mizo mipuite chu hmahruaitu, chhanchhuaktu leh chhawmdawltu ni turin a sawm a. AIDS veite thinhrik mai chi a ni lo tih hriain, a veite huaisen takin an ipuang a, a la vei lote tan tangkai takin hma an la tih Health Secretary chuan sawiin, AIDS dona kawngah Mizaoram mediate an tangkai hle a, nasa lehzuala tan la zel turin media-te pawh a chah a ni.

He huna khualzahawm, Health Director, Dr N. Pallai chuan, Mizo society chu AIDS natna kaina’n duthusam a nih thu leh hei hi vanduaithlak a tih thu a sawi a. Tunah chuan Mizote’n thil inthlakthleng kan duang sam a, AIDS do tur pawh hian kan tha a, kan hlawhtling ngei ka beisei a ni a ti a, Tlawmngai pawl hrang hrangte hmalakna zarah AIDS dona kawngah Mizoramin hma a sawn hle thu a sawi bawk. MSACS Project Director, Dr K Ropari pawhin Mizoram ram zimte chu chhan tlak a la nih thu sawiin, chhan turin mi zawng zawng a sawm a ni. World AIDS Day hmanna inkhawmah hian tlawmngai pawl hrang hrang leh Positive Network member-te an kal tha