Hun bik leh target group bik neia Survey neih –Sentinel Surveillance for High Risk Group (HRG) Training on Dry Blood Spot (DBS) sampling chu ni thum chhung January 28-30, 2009 khan Civil Hospital, Auditorium Hall-ah neih a ni. Regional Institue of Medical Sciences (RIMS) a mithiam rual pali – Prof. K. Manihar Singh kaihhruaina hnuaiah Training hi pek a ni a, MSACS hnuaia Targetted Intervention project la NGO pasarih(TI Site HRG) atanga thawktu Doctor pasarih leh nurse pasarih bakah Epidemiologist Dr. Pachuau Lalmalsawma leh Microbiologist – Dr. Lalrempuii leh Dr. Lalhmingmawii ten he training hi hlawhtling takin an nei a ni.


Ni 3 chhung hian RIMS mithiamte hian Dry Blood Spot (DBS) sampling chungchanga hriattur pawimawh hrang hrang te zirtirin theory piah lamah practical te pawh tihpui nghal na hun an hmang a, he training hian hlawhtlinna rah tha a chhuah ngei an beisei tlat thu an sawi.
Ni 31 January, 2009 (Inrinni) khan RIMS mithiam rual rawn kal te hi Civil Hospital-a Ante Natal Clinics (ANC) leh Sexually Transmitted Diseases (STD) Clinic leh Durtlang Ante Natal Clinics (ANC) te a hmuna tlawhpui an ni.