TARGETED INTERVENTION

National AIDS Control Organisation (NACO) chuan Phase III a kalpui meknaah hian HIV / AIDS High Risk Group, a kai awlsam bik tura ngaih, entir nan – Damdawia inchiu thinte (IDU), hmeichhia mahni taksa zuar (Female Sex Workers) leh mawngkawhur (MSM) te hi a ngaih pawimawh em em a. HIV / AIDS darh zel tur venna atan Trageted Intervention (TI) hi hmanraw tangkai ber a ni tih hrechiangin, a tihpuitlin hna project hi a buaipui tak zet a ni.

Targeted Intervention Project hlawhtling taka hman a nih theih nan heng a hnuai tarlan hnathawh dan kalphungte hmang hian hna thawh mek a ni –

1. Outreach and Communication : NGO hnuaia Peer Educator hna thawk tuten ruihtheihthil leh mipat hmeichhiatna lama tlan mek zawng zawngten HIV / AIDS laka an lo fihlim zawk theih nan hna an thawk thin a ni.

2. Service : Mitin HIV /AIDS laka an lo fihlim zawk nan te, hrisel zawka an nun an hman theih nante bakah, a pawimawh berah chuan inkaidarh lova kai thar ab awmlohna turin a hnuaia mi ang hian hna an thawk thin :-

(a) A duh apiang tan Condom leh inchiuna Syringes a thlawnin a sem thin.

(b) Mipat hmeichhiatna atanga kai theih natna veite leh damdawi hmansual avanga taksa chaklote tana inentirna STI Clinic a buatsaih.

(c) HIV / AIDS kaihhnawih natna, entir nan – TB leh adangte, enkawlna atan ruahmanna tha zawk siamin, Voluntary Councelling and testing centre pawh buatsaih a ni bawk.

(d) Drop-in-centre tam zawk siam a ni.

3. Creating an Enabling Environment :

(a) Khawtlanga thuneitu leh hruaitute nena thawhhona tha leh boruak tha zawk siam a ni.

(b) Manganna tawh palh pawha, a tul anga inbuaipui leh tanpui tawn theihna tur thawhonna boruak tha siam.

(c) Mahni dikna leh chanvo hriattir.

4. Community Mobilization :

Targeted Intervention Project hnuaia target community hrang hrangten he project hi an ta neih theih nan te, an mahni zinga inpumkhatna leh thawhhona tha zawk a awm theih nante leh khawtlang rawngbawlnaah an theih ang tawk an thawh ve theih nante leh he project hlawhtling taka kalpui a nih theih nan hmalak a ni.

Mizoram State AIDS Control Society-in NACP III a kalpui tan atang phatin Targeted Intervention hlawhtling taka kalpui a nih theih nan, hemi kawnga thawktu hrang hrangte tan training leh tul dang inhrilh hriat leh inzirtir hna thawh chhoh mawlh mawlh niin, Mizoram hmun hrang hranga project hrang hrang la tute endik leh Vil Hna (Assessment & Monitoring) uluk takin a thawk bawk a ni.

Mizoram State AIDS Control Society hnuaiah hian Tlawmngai Pawl (NGO) -ten Targeted Intervention Project hrang hrang lain an kalpui mek a ni.