BLOOD SAFETY

HIV / AIDS inkaina sam ber chu HIV hrik kai thisen inpek chhawnna atang hian a ni. Chuvang chuan Sorkarin a ngaih pawimawh ber pakhat chu a mamawhtu te tana engtiklai pawha thisen thianghlim pek tur vawn that hi a ni. Thisen hi taksa atanga lak chhuah a nih chiah hian damdawi a ni nghal a, tun thleng hian mihring thisen ang tak hi mithiam ten anal siam thiam lo. Tin, engtikah nge an siam thiam ang tih pawh hi hriat a nilo. Bible pawhin ‘Nunna chu thisenah a awm’ a lo tih angina, thisen kan mamawhna hi damlo enkawlna ah chuan a pawimawh tapte zinga mi a ni. Thisen siamtu chu mihring kan nih avangin chu damdawi pe thei tu chu mihring chauh hi a ni. Chuvangin he damdawi hi ka nein pek tawn a tul. Tin, thisen chu thlitfima, hman theih tura vawn that ngai a nih avangin, damlo chu pek aanih hma daih atangin thisen chu mihringin pek lawk a tul a ni. Tin, thisen thianghlimlo kan dawn lohna turin, Thisen test chi hrang hrang hmanga enfiah a ngai a, chuvangin mihringa tanga thisen lakchhuah hi hman nghal mai theih a nilo bawk. Tin, a enfiah man pawh hi a man a hautak reng bawk a ni.

MSACS chuan Blood safety leh Quality Assurrance atang hian Blood Bank 9 laiah support tha tak a pe a, heng blood bank ah hian Councelor te, Laboratory Technician te dahin, thisen testna tur hmanrua leh a dah thatna tur lamte nen a tum bawk a ni. Tin, kan hriat angina thisen petu tur chu mihringte kan nih avangin thisen petu tur kan lo awm zel theih nan, thisen a thlawna midangte tan ape tura infuihna lam kalpui turin Association for Blood Donation chu din a ni a, anni hian Awareness Canpaign te neiin Blood Donation Camp te an huaihawt thin a ni. Tin, rorelna lamah chuan State Blood Tranfusion Council chu Health Commissioner hnuaiah din a ni bawk a, hei hi State-ah chuan thuneitu lu ber an ni.

Kum tin hian thisen Unit 20,000 aia tlem lo kan mamawh ziah a, hemi tlin tur hian tan lak a ngai nasa em em a ni. MSACS lam atang hian Motivation Campaign neih thin a ni a, hei hi hetiang lama rawn diltute leh tui te , tin, donation ti thei ngei tura ngaih te hnenah tih a ni deuh ber thin. Bllod Safety Programme hi NACP thil a ni bik chuang lova, NACP atang hi chuan a awmsa zuk tih changtlun leh HIV / AIDS lam zuk ngaihtuahna kha a tam deuh hlek a ni. Tunah chuan Medical Reimbursement te mi tupawhin kanlo tih theih tak avang hian Central Sorkar lam chuan thisen hmang thintute chu an hman man chawitir ni se a ti a, hei hi Mizorama kan tih ve ngei ngai, tuna kan la tih theih si oh a ni a. NACP chhung hian hei hi kan hmabak lian tak pakhat a ni. A thlawna a duh apiangte hman tura thisen petu (Voluntary Blood Donors) hi kan la tam tawk lova thisen petu zaa 40 dawn hi chu tutee maw tan bik deuh chuahva thisen petu an ni, chuvangin tan lak a ngai hle a ni.